محشى ورق عنب دايت
الطريقه دى حتخليكى تاكلى أحلى و أجمل و أخف محشى ورق عنب فى حياتك ، حنكثر الخضار ، و لحم العصاج يكون بدون دهون ، و الشوربه برضو بدون دهون ، و نكثر من عصير الليمون
المقادير :
نصف كيلو ورق عنب بناتى – ربع كيلو لحم احمر مفروم معصج بدون دهون ( نىء فى نىء ) – ليمون – ثوم مفروم – نصف كيلو طماطم معصوره – 3 حزم بقدونس – 1 شبت – 1 كزبره خضراء – 3 بصلات مفرومه – ملح – فلفل – شوربه خاليه من الدهن- نصف كوب أرز بسمتى مغسول و مصفى ( لكل نصف كيلو ورق عنب نصف كوب أرز فقط حوالى 8 ملاعق كبيره )
الطريقه :
1- نغسل ورق العنب و نحضر ماء مغلى و فيه ملح و عصير ليمون و نضع ورق العنب ( على دفعات ) فى الماء المغلى أقل من دقيقه و نطلعه فورا يصفى ماؤه و يبرد .
2- نحضر خلطه المحشى الدايت : نحضر فى إناء البصل المفروم و عصير الطماطم و الخضره المقطعه و العصاج الدايت مع الأرز المغسول و الملح و الفلفل و ملعقة زيت صغيره.
3- عند حشو ورق العنب حنكثر من الطبقه الخارجيه ( ممكن تضعى ورقتين عنب فوق بعض و إنتى بتحشى ) و نرص طبقه من ورق العنب ثم نضيف شوية ثوم مفروم و عصير ليمون ، ثم ترصى طبقه أخرى من أصابع ورق العنب الحشى و تضيفى برضو شوية ثوم مفروم و عصير ليمون حتى تنتهى كل الكميه.
4- ترفع على النار ثم نضيف شوربه بدون دهون و نتركها دقائق حتى يقل السائل ثم يغطى و نهدى النار حتى ينضج و يقدم و بالهنا و الشفا .
تحياتى م/ نجلاء يوسف
