كنالونى بالعصاج و البشاميل لمرضى النحافه
المقادير:
1 كوب دقيق – 2 كوب لبن – 4 بيضات كبار – ملح – فلفل
الحشو:
نصف كيلو لحم عصاج – نصف كوب بشاميل
للوجه:
نصف كوب بشاميل خفيف – ملعقة صلصه – جبن رومى مبشور ( أو موتزريلا)
الطريقه:
– ضيفى المكونات على بعضها و قلبيها كويس و صفيها علشان لا يكون فيها تكتلات ، و فى طاسه تيفال صغيره ( مقاس 18 مثلا ) ضعى نصف ملعقة سمن صغيره أو ملعقة زيت ذره و ضيفى مقدار مناسب من العجينه و حركى الطاسه بحيث ان العجين تملا قاع الطاسه كلها ، النار تكون متوسطه ، انتظرى حتى يستوى الوجه السفلى ثم إقلبيه بإحتراس على الوجه التانى حتى يستوى ، كررى الخطوات حتى ينتهى المقدار.
– ضعى مقدار مناسب من لحم العصاج مع البشاميل على طرف القرص و لفيه و إعملى كده مع كل الكميه.
– رصيهم جنب بعض فى صينيه مدهونه سمن و ضعى عليهم بشاميل و ملعقة صلصه ( إختيارى ) و جبن رومى مبشور أو موتزريلا و دخليه الفرن حتى يحمر الوجه . و بالهنا و الشفا.
تحياتى م/ نجلاء يوسف
