برنامج اصلاح وترميم الجهاز الهضمى
١- امنع الدقيق الأبيض كله و استبدله بخبز او توست كامل الحبه او بذور الشيا او عالى الألياف او الدخن او بذر الكتان والبقوليات لو بتتعب بطنك تنفعها او قشرها زى الفول المقشور مثلا ، واللبن قلل منه جدا إذا كنت تتحسس منه او عندك عدم تحمل لاكتوز و المياه الغازيه والسكر والمعلبات وكل المصنعات والمواد الحافظه مفيش حاجه اسمها شيبسى صحى .
٢- العصير الأخضر يشرب مصفى مرتين مع الإفطار والغذاء مكون من البقدونس او الكرفس مع الجرجير والشبت والكرنب الأخضر والأفوكادو و الكزبره الخضراء يشرب مرتين يوميا و الأفضل خلطهم مع عصير البنجر .
٣- تناول الأرز باعتدال مع اللحم الضأن او الكبده او اللحم البقرى او السمك خاصه السلمون والسردين والانشوجه و السمان والحمام و اليمام والعصافير ( لحم الطير ) و قلل من تناول البيض والدجاج بقول قلل مش امنع وعندك البيض البلدى والاورحانيك والفراخ البلدى والأفضل تؤكل قبل ان تبيض يعنى فروج وراجع كلامى كويس هتفهم واهتم بتناول الخضار السوتيه خاصه البروكلى والكوسه والجزر والكرفس والسلق و الخرشوف .
٤- تناول شوربه الكوارع او شوربه عظام البقر باعتدال مرتين اسبوعيا هترمم امعائك وهتصلح اى خلل او قرح ودى غذاء البكتريا الجيده و تحسن الميكروبيوم ومش هترفع الكوليسترول ولا الدهون الثلاثيه طالما حضرتك ملتزم بالممنوعات ومفيش دقيق ابيض .
٥- وفاكهه مما يتخيرون ولحم طير مما يشتهون ، الفواكه توكّل مقشره قبل الغذاء بساعه او ساعتين بدون إسراف و انتقى الطبيعى منها مش الفواكه المنفوخه المهرمنه ومفيش حاجه اسمها عصير معلب بمواد حافظه يبقى صحى .
٦- من اول يوم فى البرنامج بنحلل فيت د و الكالسيوم و الماغنيسيوم والبوتاسيوم و الصوديوم والبورون والزنك و فيت ب١٢ و ٦ و ٣ مع فيت ك٢ ، بعدها ضيف ليهم مكملات زى الكوركمين و عصير البنجر المصفى دورهم اساسى فى علاج التهابات خلايا الجسم كله والمفاصل والعضلات و الأعضاء مع زيت حبه البركه العضوى .
٧- مفيش حاجه اسمها امنع السلاطه والخضار ، فيه حاجه اسمها عندك قولون عصبى يبقى بلاش فلفل وطماطم وخيار صوب ، بتحب الطاطم قشرها واحذف بذورها وكلها باعتدال ، عندك إمساك بلاش اكل صلب زى المكسرات والعجائن و قشور الخضار والفواكه افهم حاله جسمك هترتاح ، الجرجير بينفخ بطنك ، مثلا اختار اللى يناسبك بس يبقى طبيعى أنما هتمنع القلويات هتلاقى حموضه جسمك هتزيد وهتمرض وتموت ، هاديك مثل داوود الانطاكي فى باب العلاج بالبقدونس فقط اقرأ وافهم .
٨- لتنظيف الشرايين والأوردة والدوره الدمويه اعمل حجامه مره واحده كل شهر لمده ٣ شهور مع وصفه المعمرين زيت الزيتون بكر عصر بارد فيه ثوم مهروس وشطه وكركم وزنجبيل مبشور ويخمر ليله كامله قبل تناوله مع الغذاء على معلقه زبادى او رايب او ع السلاطه .
٩- برنامج الإصلاح والترميم الغذائى برنامج شامل يبداً باصلاح المعده والجهاز الهضمى والامتصاص والإخراج بطعام هين ولين وسهل الهضم و لازم نبدأ بالجهاز الهضمى اشرب منقوع الصمغ العربى مع لبان ذكر اشرب خروب اشرب عصير شبت مع خيار بلدى مقشر طفى حموضه جسمك مش هينفع تعالج نفسك ومعدتك تعبانه اشرب معلقه خل تفاح عضوى ع كوب ماء مع الغذاء وبعد العشاء ، أنت طبيب نفسك اللى يتعبك بلاش تأكله وده مربط الفرس وكلمه السر .
١٠- الناس الطيبين اللى بيحبوا نظام الطيبات أنا بحبهم و احترمهم كملوا على نظامكم طالما بتتحسنوا فعليا بالنتايج و التحاليل، بلاش تمنعوا ادويه بدون امر دكتوركم لأنه ده فيه خطوره على حياتكم ، ومن فضلكم كل ٣ شهور عيدوا التحاليل وتطمنوا على النتايج ودايما بقولكم التجربه خير دليل ، هذا ناتج فكرى وخبرتى من التعامل مع حالات كثيره طوال ٢٢ عاما عايز تعتبره الطيبات معدل على راحتك ميهمنيش الكلام ، يهمنى صحتك ، أسلوبك و ردك المهذب دليل على دينك وتربيتك و أخلاقك وهو عنوانك ، يهمنا النقاش وليس الجدال يهمنا نوصل لفكره نستفيد بيها جميعا لصالح صحتنا جميعا .
