فطائر محشيه عجوه أو شيكولاته أو جبن لمرضى النحافه
بعجينه رائعه و مضمونه
المقادير :
3 و نصف كوب دقيق أو حسب الإحتياج – كوب لبن دافئ – ملعقتين خميره فوريه – ملعقه كبيره سكر – ملعقه صغيره عسل نحل – ذرة ملح او اقل من ربع ملعقه صغيره – نصف كوب سمن علي زيت – بيضه صغيره للعجين – ملعقه صغيره بيكنج باودر – بيضه صغيره للدهان – ملعقه صغيره خل – سمسم أو حببة البركه او يانسون حسب الرغبه
الطريقه :
ندفى اللبن و نضيف السكر و العسل و الخميره و نغطيهم و نتركهم حتي يبدأوا في عمل فقاعات هواء . بناخدهم و نضيف عليهم البيضه و الخل و الملح و البيكنج باودر و السمن و الزيت و نقلبهم .. ثم نضيف الدقيق و نعجن و نضيف و نعجن .. حتي نحصل علي عجينه طريه و ناعمه اوي .. ممكن وقتها تضيفي سمسم او ينسون. ثم نتركها حوالي ربع ساعه … ثم نشكلها زي ما احنا عايزين و نضع لها اي حشو يعجبنا .. جبن او عجوه او نوتيلا .. و نرصها في الصاج و نتركها حوالي نصف ساعه … ثم ندهنها و ندخلها الفرن . حنلاقيها بيتضاعف حجمها عن اللى كانت عليه و نتركها حتي تنضج و وجهها يحمر و بالهنا و الشفا م/ نجلاء يوسف
