علشان ما نزهقش من الدايت .. ممكن ناخد الفراخ بتاعتنا فى الدايت على شكل كفته مشويه
المقادير :
نصف كيلو صدور دجاج مخليه من الجلد و الدهن و العظم
بصله مفرومه ناعم ( نصفيها بالمصفاه الضيقه و ناخد البصل فى الكفته و نستعمل ماؤه فى تشكيل الكفته )
3 فصوص ثوم مفروم ناعم
ملعقه كبيره بقسماط مطحون
بياض بيضه علشان يعمل تماسك للقوام
حزمة بقدونس مفروم ( الأوراق فقط بدون السيقان )
ملعقة كبيره شبت مطحون( الأوراق فقط)
ملح و فلفل فقط بدون أى توابل أخرى حتى لا نغير طعم الدجاج
الطريقه :
نفرم الدجاج مع كل المكونات حتى تصبح عجينه ناعمه
ندهن ايدينا بماء البصل المصفى مع زيت زيتون و نشكلها أصابع على السيخ
نكرر حتى ننتهى من المقدار
نشويه على الجريل أو فى صينيه فى الفرن .. لكن الجريل أفضل
تقدم مع سلطه خضراء و أرز مسلوق و بالهنا و الشفا م/ نجلاء يوسف
