سمك ماكريل مشوى بالرده فى البيت بدون فرن
المقادير :
كيلو سمك ماكريل – ملح – فلفل – كمون – ليمون – حلقات بصل و طماطم مقطعه صغير – كوب رده – بقدونس للتجميل
الطريقه :
ننظف السمك و و نتخلص من الرؤس و تشق البطن و تنظف من الداخل ، و يدعك بالملح و الليمون و يشطف عدة مرات ، ثم يحشى من الداخل بالبصل و الليمون و الطماطم و الثوم المفروم و الملح و الفلفل و الكمون … أو ممكن تكتفى بالملح و الفلفل و الليمون و كمون خفيف
ومن الخارج يغمس فى الرده من جميع الجهات
ثم يشوى على الشوايه على البوتجاز لمدة دقائق بسيطه من جميع الجهات حتى تنشف القشره الخارجيه و ينضج ، هو مش بياخد وقت فى السواء خالص حوالى 4 دقائق لكل وجه
و يقدم و بالهنا و الشفا
تحياتى نجلاء يوسف
