Sorry, this entry is only available in العربية. For the sake of viewer convenience, the content is shown below in the alternative language. You may click the link to switch the active language.
توست القمح الكامل الحبه البيتي.. بدون بيض ولا لبن… طري زي القطن
المكونات
• 400 جرام دقيق قمح كامل = 3 أكواب
• 300 مل ماء دافئ = كوب وربع
• 1 م ك خميرة فورية = 7 جرام
• 1 م ك سكر أو عسل = 20 جرام
• 2 م ك زيت زيتون = 30 مل
• 1 م ص ملح = 8 جرام
• 2 م ك بذور مشكلة للعجين، بذور كتان / شيا / عباد شمس
للوجه المقرمش:
شوفان + بذور يقطين + بذور عباد شمس + سمسم
طريقة التحضير
1. في بولة كبيرة، دوب الخميرة والسكر في الماء الدافئ وسيبهم 5 دقايق لحد ما تفور.
2. ضيف الدقيق والملح والبذور والزيت، واعجن 8-10 دقايق. العجينة هتكون طرية وبتلزق خفيف، ده طبيعي في دقيق القمح الكامل.
3. غطيها وسيبها تخمر ساعة في مكان دافي لحد ما يتضاعف حجمها.
4. هبط العجينة براحة، شكلها رول على قد قالب التوست، وحطها في القالب المدهون زيت.
5. غطيها تاني وسيبها تخمر 40 دقيقة. في آخر 10 دقايق سخن الفرن على 190 درجة.
6. ادهن الوش بنقطة ماية ورش ميكس البذور والشوفان واضغطه خفيف.
7. اخبز 35-40 دقيقة لحد ما ياخد لون دهبي حلو. طلعه على شبكة وسيبه يبرد تماما قبل التقطيع، دي أهم خطوة عشان ما يفرولش.
