أرز بسمتى بصدور الدجاج و الكارى
أرز لذيذ و صحى بدون أى دهون ، غنى بالبروتين ، يرفع المناعه و منشط للكبد لوجود مادة الكركم و هى المكون الأساسى فى خلطة الكارى .
المقادير :
2 صدور دجاج مخليه من الجلد و العظم مقطعه مكعبات صغيره – بصله مفرومه – كوب ارز بسمتى مغسول و مصفى – ملعقه كبيره كارى – رشة قرفه – رشة زنجبيل مطحون – ملح – يقدونس مفروم للتجميل – فلفل رومى احمر و اصفر مقطع مكعبات صغيره ( حسب الرغبه )
الطريقه :
1- فى اناء غير لاصق للطعام ضعى البصله المفرومه و صدور الدجاج المقطعه مكعبات و الكارى و القرفه و الزنجبيل و شوحيهم على النار و قلبى كويس لحد ما ماءها يجف .
2- ضيفى الماء و الملح و مكعبات الفلفل الرومى الملون( حسب الرغبه ) و غطيه و اتركيه حتى يغلى حوالى 3 دقائق .
3- ضيفى الارز البسمتى و قلبيه و غطيه ، و اتركيه على نار متوسطه حتى يشرب ماؤه ثم هدى النار و اتركيه حتى تمام النضج .
* ملحوظه * : لو الأرز البسمتى من النوع الرفيع أوى و فاتح ( النوع الهندى) خدى بالك بيستوى بسرعه جدا و ممكن يتكسر ، أما لو كان أرز بسمتى غامق و سميك شويه، بياخد وقت أكتر فى السواء.
4- يغرف و يرش على الوجه بقدونس مفروم للتجميل .
بالهنا و الشفا .. نجلاء يوسف
