Sorry, this entry is only available in العربية. For the sake of viewer convenience, the content is shown below in the alternative language. You may click the link to switch the active language.
سر جمال الملوخيه .. بيكون بجمال الشوربه اللى اتعملت بيها ، و نكهة الثوم و الكزبره اللى فى التقليه … بس احنا مش هنعمل تقليه …و الملوخيه بتاعتنا هتطلع تحفففففففه و خفيفه جدا جدا
المقادير :
نصف كيلو ملوخيه طازجه .. نغسلها و نقطف الاوراق و نتركها تجف من الماء
لتر و نصف شوربة دجاج او لحم بس تكون منزوعة الدهن تماما ( تبات ليله فى الثلاجه ثم ننزع طبقة الدهن التى على الوجه )
رأس ثوم صغير مفصص و نفرمه ناعم
ملعقتين كبار كزبره جافه مطحونه + رشة حبهان مطحون + فص مستكه
الطريقه :
1- نخرط الملوخيه
2- نغلي الشوربه
3- نضيف الملوخيه إلى الشوربه
4- فى طاسه غير لاصقه للطعام نضع الثوم المفروم و الكزبره الجافه و رشة الحبهان مع فص المستكه و نشوحهم على النار بدون دهون حتى يصفر لونهم قليلا
5- نضيفها بسرعه على الملوخيه و نقلب و نطفى النار
6 – تقدم ساخنه و بالهنا و الشفا م / نجلاء يوسف
