Sorry, this entry is only available in العربية. For the sake of viewer convenience, the content is shown below in the alternative language. You may click the link to switch the active language.
لتقليل الشهيه المفتوحه باستمرار
— نقلل استهلاك السكر و الدقيق لانهم هم اللي بيرفعوا هرمون الجوع
— نشرب كوبين ماء علي الأقل قبل الأكل بنصف ساعه
— نبدأ بطبق السلطه ثم الخضار ثم البروتين و في الآخر خالص ناخد حصتنا من النشويات .
— ناكل الفاكهه كامله بأليافها .. مش عصير .
— ممكن نشرب كوب من القرفه بدون سكر بعد الغداء لثبات مستوي السكر في الدم و عدم الجوع .
— لما تحس انك جعان اشرب ماء الأول لان الجسم احيانا مش بيعرف يفرق ما بين الشعور بالجوع و العطش .
— لا تأكل امام التليفزيون او و انت ماسك الموبايل و مشغول بيه .
— كل ببطء و أمضغ بتأني و إستطعم طعم الأكل علشان تشعر بالشبع بسرعه .. الهدف مش ملء المعده بسرعه .. لأ .
— المشروبات الدافئه بدون سكر ممكن تقلل الشهيه بس تكون مشروبات عشبيه .
— يمكنك استخدام بذور القاطونه لملء المعده هنضع ملعقه صغيره و نصب عليها ماء مغلي و نغطيها و نتركها لحد ما تبرد هنلاقيها اصبحت محلول چيلاتيني .. نشربه كله بعد ما نقلبه .. بس ناخد بالنا اننا نشرب وراها ماء كثير ..دي هتعطينا احساس كأننا أكلنا وجبه كامله .
–خليك فاكر ان التسليه بالطعام و ملء المعده بسبب الشعور بالملل و الفراغ هم من أهم اسباب السمنه و زيادة الوزن .. لا تتخذ الطعام وسيله للخروج من حاله معينه .
و أخيرا و أهمهم ..(( وَكُلُوا وَاشْرَبُوا وَلَا تُسْرِفُوا ۚ إِنَّهُ لَا يُحِبُّ الْمُسْرِفِينَ ))
دمتم بصحه و عافيه
